Amaia Riouspeyrous, abeslaria

Gazte-gaztetatik kantuari lotuta bizi izan da Riouspeyrous (Anhauze, Nafarroa Beherea, 1984). Amaren parteko aitonak sartu omen zion kantuaren gustua. 1993an Euskal Kantu Txapelketan parte hartu zuenetik ibili da kantaldiz kantaldi. Kantu tradizionala landu badu ere, bere lehen diskoarekin, Har ezazu (Agorila, 2009ko), bestelako estiloak landu ditu, folkari eta pop-rockari leku eginda.