Jon Mayak (Errenteria, 1977) sei urterekin eman zuen izena Ereintza Dantza Taldean, denbora-pasa hura bizimodu bihurtuko zitzaiola susmatu gabe. Harrezkero, zazpi aldiz irabazi du Euskal Herriko Aurresku Txapelketa, Laxok dantza taldea sortu zuen 1999an, kazetaritza ikasi eta kazetari lanetan aritu izan da, Ereintzan laguntzen jarraitzen du, dantza eskolak ematen ditu Errenteriako udal eskolan... Baina 2004tik ia erabat murgilduta dabil berak 2002an sortutako Kukai Dantza Konpainian. Sari asko jaso ditu konpainiak, tartean Donostia Hiria  eta Max Saria. Orain, berriz, Hnuy illa eta martxoan estreinatutako (Sok)2 ikuskizunak eskaintzen dabil. M. Egimendi. Argazkiak: Amaia Zabalo.