Aktorea, euskara teknikaria, itzultzailea, abokatua. Itziar Atienzaren bizitzan atzeraka egiten badugu, hori da azken urteotan egin duen ibilbidea, atipikoa zinez. Madrildarra sortzez (gurasoak hangoak izanik, amak familiatik gertu erditu nahi izan zuelako), Galdakaon hazitakoa da eta Gasteizen bizi da gaur egun. Aktore lanak ere alde batetik bestera ibiltzera behartzen du, eta Almeriatik etorri berritan harrapatu dugu, Vaya semanita antzezlana eskainita. Ezin lanpetuago dabil, Joseba Apaolazarekin Ipar haizearen kontra antzokiz antzoki taularatzen eta Nemekitepá film luzea grabatzen. M. Egimendi. Argazkiak: Amaia Zabalo.